நீங்கள் கொம்பியூட்டர் உலகத்திற்கு அடிக்கடி வருபவர் எனில்,

ஐ கிளிக் செய்யுங்கள்.

Saturday, June 27, 2009

Omegle – அரட்டையில் இது புதுவிதம்…

அநேகமான இணையத் தள அரட்டை அறைகளுக்குச் சென்று வந்த அனுபவம் பலருக்கும் இருந்திருக்கலாம்.

இதுவும் அப்படி ஒரு அரட்டை தளம் தான். ஆனால் என்ன வித்தியாசம் என்றால், இங்கு முன் பின் தெரியாதவர்களுடன் நீங்கள் அரட்டை அடிக்கலாம். அதை தானே மற்றத் தளங்களிலும் செய்கிறோம் என்று நீங்கள் சொல்வது சரியாக இருந்தாலும் இந்த தளத்தை திரும்பிப் பார்க்க வைக்கிற விடயம் என்னவென்றால், மற்றத் தளங்கள் போல் அரட்டை அறைகளில் இருக்கிறவர்களின் பெயரோ வேறு விபரங்களோ எதுவும் இல்லை. நீங்கள் அரட்டையை தொடங்கியவுடன் அரட்டை தளமே உங்களை ஒருவருடன் இணைத்துவிட்டு “கதையுங்க ராசா” என்று சொல்லிவிடும். பிறகென்ன கதைக்க வேண்டியது தான். பிடிக்காவிட்டால் உடனே வெறியேறிவிடலாம்.

தளத்திற்குச் செல்ல படத்தில் அழுத்தவும். image

Friday, June 19, 2009

esnips கோப்புகளைத் தரவிறக்கல்…

வணக்கம் நண்பர்களே,

இந்தப் பதிவில் “esnips” இல் இருந்து எப்படி கோப்புக்களைத் தரவிறக்கலாம் என்று பார்ப்போம்.

முதலில் இலகுவான வழி :

கோப்பினை தரவேற்றியவரிடம் சொல்லி “Download” என்ற தெரிவை செய்து கோப்பினை சேமித்தால் சரி… (இது தான் உண்மையில் கஷ்டமான விசயம்… ';-))

image 

ஆக மேலே சொன்னது பெரும்பாலும் நடக்காது. அடுத்த வழி தான் என்ன?

இதோ அடுத்த வழி :

அண்மையில் ஒரு இ.பக்கத்தை பார்வையிடும் வாய்ப்புக் கிடைத்தது. அந்த இ.பக்கம் தான் அடுத்த வழி.

image

மேலே காணப்படுகின்ற இ.பக்கதிற்குச் சென்று நீங்கள் தரவிறக்கவேண்டிய கோப்பின் (உ+ம் : ஒரு mp3 கோப்பு) முகவரியினை கொடுத்து “Generate” என்ற பொத்தனை அழுத்துவதன் மூலம் நீங்கள் தரவிறக்குவதற்கு வேண்டிய கோப்பின் நீண்ட முகவரி கீழ் உள்ள பெட்டியில் தோன்றும். பிறகென்ன அந்தக் கோப்பு உங்கள் கையில்…

அடுத்த வழி :

நீங்கள் நெருப்பு நரி இ.உலாவியை பயன்படுத்துபவர் எனில் “Video Download Helper” என்ற “Add-on” ஐத் தரவிறக்கி நிறுவுதல் மூலம் இதனைச் செய்யலாம். (இது பற்றி ஏற்கனவே ஒரு பதிவில் தந்திருந்தேன்.)

மேலே சொன்ன Add-on ஐ நிறுவிய பின் நீங்கள் தரவிறக்கவேண்டிய esnips கோப்பினை நெருப்பு நரியில் திறந்து கொள்ளுங்கள்.

VDH

 

மேலே படத்தில் காட்டிய படிமுறைகளைப் பின்பற்றுவதன் மூலம் தேவையான கோப்பினைத் தரவிறக்கலாம்.

கடைசியாக…

Internet Download Manager ஐ நிறுவுவதன் மூலம் எந்த ஒரு கோப்பினையும் இலகுவாக தரவிறக்கலாம். (30 நாள்-முயற்சித்து வாங்கும் வடிவில் கிடைக்கிறது.)

வேறு என்ன இன்னொரு பதிவில் சந்திக்கலாம்.

இந்தப் பதிவு ஏதேனும் விதத்தில் உதவி இருப்பின் ஒரு வார்த்தை எழுதுங்கள்…

Monday, June 15, 2009

Justin.tv – உயிர்நிலை உலகம்!

இது அண்மையில் நான் உலவிய ஒரு இ.தளத்தைப் பற்றிய குறிப்பு.

கோயில் திருவிழா அல்லது ஒரு தலைவரின் பதிவியேர்ப்பு வைபவத்தை வானொலி மூலமாகவோ தொலைக்காட்சி மூலமாகவோ நேரடியாக கேட்டு/கண்டு உணர்ந்த அனுபவம் பலருக்கும் வாய்த்திருக்கலாம். இந்த இணைய உலகிலே இது ஒரு படி மேலே போய் ஒரு மனிதனுடைய அன்றாட வாழ்வின் நிகழ்வுகளை இணையத்தில் உயிர்நிலையில் காட்டுகின்ற(Lifecasting) தளத்திற்குள் நாம் வந்திருக்கின்றோம். எப்படி என்றால் உங்கள் வீட்டில் ஒரு இணைய கமெராவை ஒழுங்கு செய்துவிட்டு நீங்கள் உங்கள் அன்றாட வேலைகளை செய்யவேண்டியது தான். பார்க்க விரும்புவர்கள் வந்து பார்த்துக்கொண்டு(இணையம் மூலம்) கூடவே அரட்டையும் அடிக்கலாம்.

மேலே சொன்னதை சாத்தியமாக்கும் பல தளங்களில் justin.tv என்ற தளமும் ஒன்று.

பல்வேறு வகைகளின் (Channel) கீழ் தொகுக்கப்பட்ட உயிர்நிலை காணொளிகளும் ஏற்கனவே பரிமாறப்பட்ட காணொளிகளும் காணக்கிடைக்கின்றன.

வேறு பலரோடு சேர்ந்து படங்களும் பார்க்கமுடியும். அப்படியே பார்த்துக்கொண்டு அரட்டையும் அடிக்கலாம்.

ம்.. சரி… பார்க்கலாம்…

image

இது தொடர்பான ஏனை தளங்கள்:

  • blogTV
  • வேறு தளங்களை நீங்களே சொல்லுங்கள்

Friday, June 5, 2009

நானா நீயா பார்ப்போம் ஒரு கை!

தலைப்பை பார்த்ததும் “என்னடா…” என்று ஒரு ஆர்வத்தில என் வ.பூவை நீங்கள் எட்டிப் பார்த்து, எதிர்பார்த்த மாதிரி எதுவும் இல்லையே என்ற எண்ணம் உங்களுக்குத் தோன்றியிருந்தால் மன்னிக்கவும்.

Microsoft நிறுவனம் தனது புது வடிவ தேடுபொறியை வெளியிட்டுள்ளது. இதுவரை காலமும் “Live Search” என்று இருந்து இப்போது “Bing” என்ற புது நாமத்தோடு ஐயா (Microsoft) களத்தில இறங்கியிருக்கிறார். கூகிளுக்கு போட்டியா இருக்கும் என்று கூட பலர் சொல்லுகினம். அப்படி எதுவும் இல்லை. (இணையத்தில் ஜுன் 3,2009 இல் இருந்து உலாவருகின்றது.)

இந்த புதிய வடிவ தேடு பொறியை சந்தைப்படுத்தி பயனர்களை ஈர்ப்பதற்காக Microsoft $80 மில்லியன் நிதியை ஒதுக்கியிருக்கிறது. இந்த முதலீடு புதிய பயனர்களையும் “Live Search” இல் வெறுத்து ஒதுங்கிய பழைய பயனர்களையும் ஈர்க்கும் என்று Microsoft நம்புகிறது.

இதில ஒரு நல்ல விசயம் என்னவென்றால், கூகிளின் தேடுபொறியில் படங்களைத் தேடினால் முதல் பக்கத்தில் சில படங்கள் காண்பித்து மற்றவற்றை பார்வையிட “Next” ஐ அடிக்கடி சொடுக்கவேண்டி இருப்பது போல இல்லாமல் Microsoft இன் “Bing” புதிய தேடு பொறியில் அனைத்தையும் ஒரே பக்கத்திலேயே காணமுடிவது. (By Scrolling)

image

சரி நீங்களும் ஒருக்கா போய்ப்பாருங்கோ. (சுற்றி என்ன நடக்குது என்று தெரிந்துகொள்வது நல்லது தானே.) ---> இங்கே சொடுக்கவும்.

 

-------------------துணைநின்றவை--------------

Related Posts Plugin for WordPress, Blogger...