நீங்கள் கொம்பியூட்டர் உலகத்திற்கு அடிக்கடி வருபவர் எனில்,

ஐ கிளிக் செய்யுங்கள்.

Thursday, February 26, 2009

Google AJAX Feed API ஐ பயன்படுத்தல்... - தொடர்ச்சி

வணக்கம் வ.பூ நண்பர்களே,

சென்ற பதிவில் Google AJAX Feed API என்றால் என்ன என்பதையும் அதனை உங்கள் வ.பூவில் அல்லது இ.தளத்தில் எப்படிப் பயன்படுத்தலாம் என்றும் பார்த்தோம்.

இந்தப் பதிவில் Javascript இல் மாற்றங்கள் செய்வதன் மூலம் எப்படி மெருகேற்றலாம் என்று காண்போம்.

code_exp

மேலே உள்ள படத்தில் Generate Code என்ற கட்டளையை அழுத்தியவுடன் கிடைக்கப்பெறும் நிரல் காணப்படுகின்றது. அதில் சில இடங்களை நிறத்தால் வேறுபடுத்தி இலக்கம் இட்டுள்ளேன். இனி அந்தப் பகுதிகளுக்கான விளக்கத்தைப் பார்ப்போம்.

படத்தில் இல. 1 ஐக் கவனிக்க.

இந்தப் பகுதியில் நீங்கள் வர்ணம்,எழுத்தின் அளவு, எவ்வளவு இடைவெளி தேவை போன்றவற்றை நிர்ணயிக்கலாம். அத்துடன் முக்கியமாக உங்களுடைய பதிவுகள் திரட்டப்படும் வரை அது தொடர்பான விளக்கத்தைக் கொடுக்கலாம். (பொறுமையாக இருங்கள் அல்லது பதிவுகள் திரட்டப்படுகின்றன என்பன போன்ற செய்தி ஏதேனும்.)

அடுத்து, இல. 2 ஐக் கவனிக்க.

இந்தப் பகுதி நீங்கள் கொடுத்த தரவுகளின் அடிப்படையில் அந்தப் வ.பூவின் தலையங்கம் மற்றும் அதன் பதிவுகளின் ஓடை ஆகியவற்றை உள்ளடக்குகின்றது. நீங்கள் விரும்பின் தலையங்கத்தை மாற்றமுடியும். அதேபோல் ஓடையின் முகவரி பிழையெனில் நீங்களே அதனை தட்டச்சு செய்யமுடியும் அல்லது பிரதிசெய்து ஒட்டமுடியும்.

இன்னொரு விடயம் வேறு சில வ.பூக்களையும் திரட்டவிரும்பினால் ஏற்கனவே உள்ள நிரலின் கீழ் மற்றைய வ.பூவின் தரவுகளை இணைக்க முடியும்.

உ+ம்:

var feeds = [
    {title: 'ஏதனும் தலையங்கம்',
     url: 'ஓடையின் முகவரி'
    },
    {title: 'கொம்பியூட்டர் உலகம்',
     url: 'http://computerulakam.blogspot.com/feeds/posts/default'
    },
    {title: 'பஞ்சாமிர்தம்',
     url: 'http://panchamirtham.blogspot.com/feeds/posts/default'
    },
    {title: 'கவி விகடம் உங்களை வரவேற்கிறது...',
     url: 'http://kavivikadam.blogspot.com/feeds/posts/default'
    },
    {title: 'கவி ரூபனின்(Kavi Ruban) வெளி',
     url: 'http://kaviruban.spaces.live.com/feed.rss'
    }];

மேற்காட்டியபடி நீங்கள் தேவையான  தளங்களை இணைக்கமுடியம்.

இறுதியாக இல.3 ஐக் கவனித்தால்,

அது பெரிதாக ஒன்றும் இல்லை (பிறகென்னத்திற்குச் குறித்தாய்...;-) அதாவது எந்த வடிவத்தில் உங்களுக்கு இதனை வெளிப்படுத்த வேண்டும் என்பதை இந்தப் பகுதி தீர்மானிக்கிறது. மேலுள்ள படத்தில்,

horizontal : true என்பது கிடையாக பதிவுகள் மாறி மாறிக் காட்டப்படும் என்பதை உணர்த்துகிறது. நீங்கள் விரும்பினால் horizontal ஐ false என்று மாற்றிவிட்டு stacked என்பதை true என்று மாற்றிப்பாருங்களேன். 

 

அப்பாடா ஒரு மாதிரி முடிச்சிட்டன்.

உங்கள் கருத்துக்களை பதியுங்கள். வேறு ஒரு பதிவில் சந்திக்கும் வரை...

Sunday, February 22, 2009

Google AJAX Feed API ஐ பயன்படுத்தல்...

வணக்கம் வ.பூ நண்பர்களே...

ஒரு சின்னக் கற்பனை செய்து பாருங்கள். நீங்கள் பல வ.பூக்களை வைத்திருக்கிறீர்கள். ஒரு வ.பூவிற்கு வரக்கூடிய வாசகருக்கு உங்கள் மற்ற வ.பூக்களின் அண்மைய பதிவுகளைச் சுருக்கமாக தெரியப்படுத்தினால் அவர் உங்களின் மற்றைய வ.பூக்களுக்கும் சென்று பார்வையிடும் வாய்ப்பு உருவாகும். (எனது வ.பூக்களில் இடம்பெறுவதைக் காண்க.)

மேலே சொன்னது ஒரு மாதிரி நிகழ்வு. இது போல பல்வேறு சந்தர்ப்பங்கள் அமையலாம்.

  1. உங்களுக்குப் பிடித்தமான வ.பூவின் அ.பதிவுகளைப் பட்டியலிடல்.
  2. செய்திகளை மாறி மாறிக் காட்டல்.

போன்றவற்றை மற்றைய சந்தர்ப்பங்களாகக் கொள்ளலாம்.

"Google Code" என்ற பகுதியில் பல்வேறு AJAX API கள் காணப்படுகின்றன. அது என்னடா என்று கேட்பவர்களுக்கு சுருக்கமாகச் சொல்வதென்றால் இது Javascript மற்றும் XML ஆகியவற்றின் உதவியுடன் நிரல்படுத்தப்பட்ட பொறிமுறையாகும். இதனைப் பயன்படுத்துவதற்கு பெரிய நிரல் எழுதும் அறிவு எதுவும் தேவையில்லை என்பதால் கவலையும் தேவையில்லை.

சரி விசயத்திற்கு வருவோம். மேலே சொன்ன AJAX API களில் ஒன்று :

இதனைப் பயன்படுத்தி பதிவுகளை திரட்டி மாறி மாறிக் காட்டமுடியும்.

படிமுறைகளில் இதனைச் செய்யும் பொறிமுறையைப் பயன்படுத்துவது இலகுவானது. (using the wizard

நீங்கள் Wizard மூலம் செய்யும் இணைப்பை அழுத்தியவுடன் கீழ்காண்பது போன்ற இணையப்பக்கம் உங்கள் முன் விரியும்.

wizard

மேலே படத்தில் காட்டியவாறு Generate Code என்ற கட்டளையை அழுத்தியவுடன், கீழ் காண்பது போல் தேவையான Javascript நிரல் வெளிப்படும்.

code

இந்த நிரலை பிரதியெடுத்து தேவையான இடத்தில் பொருத்துவதன் மூலம் மாறி மாறி தோன்றக்கூடிய அண்மைய பதிவுகளைக் காணலாம். (<head>.... </head> இந்த வரையறை தவிர்ந்த வேறு இடத்தில் பொருத்தவும்.)

இந்த Javascript நிரலில் மாற்றங்கள் செய்தல் அல்லது மெருகேற்றல் போன்ற செய்திகளுடன் அடுத்த பதிவில் சந்திக்கின்றேன்.

உங்கள் கருத்துக்களை தாராளமாக வெளிப்படுத்துங்கள்.

Related Posts Plugin for WordPress, Blogger...